載入中...請稍候...

訂閱電子報


「逐風者船藝會」優惠價報讀二級遊樂船牌課程

  • 圖片 1
Bookmark and Share


港九拯溺員工會—創會主席
吳灼欽 先生

今年是港九拯溺員工會創會成 立 50 週年的日子,工會特別做了一個專訪,受訪人物是我會創辦人吳灼欽先生。

吳灼欽,又名蝦叔,今年經已 87 歲,一生致力服務市民,敢作敢言敢為的精神與態度,仗義執言不平則鳴的性格,為街坊、為市 民、為朋友的蝦叔,50年前毅然成立了港九拯溺員工會,致力為救生員行業爭取應有待遇,為救生員同袍發聲。當年蝦叔成立工會時,到底當中的過程是怎樣? 憑甚麼原因促使蝦叔一心 成立工會?

蝦叔對行業未來的發展,到底有甚麼想法? 我們將會簡單摘錄精要,在此與各位分享!


2017interview101.jpg

 

蝦叔:工會係為會員爭應得 嘅嘢,肯為工會爭取,能者就做,合情合理去爭,邊個 唔歡迎你吖?係咪吖?你橫蠻無理,邊個都唔歡迎你 啦!出親去都比人鬧嘅,無 謂嘅嘢,爭嚟做乜呀?

胡:你做救生員咁多年以 來,你最深刻印象係咩 case 呀?

蝦:咁多年救生員。。。(哈 哈哈),救人多到不得了,呢本嘢攞出嚟比你睇。(救生手 冊)

胡:呢本手冊你專登帶出嚟定成日代住架?(嘩嘩嘩)


2017interview105.jpg 

2017interview102.jpg

1:蝦叔, 當初點解諗住成立工會,憑甚麼動力去做呢? 成立工會期間到底有冇遇到困難? 當中的過程是怎樣呢? 可否 跟大家分享一下?

因為當時六、七十年代,打工仔沒有正式註冊的工會,基本 上任何勞資糾紛或談判,資方一律不接受的,因此決心成立 工會。 當時環境,行業裡冇敢發言的人,碰巧有位叫郭漢炳的朋友提議,不如組織一個福利會,另一位朋友鍾榮光更鼓勵我放膽組織及成立工會,當時環境識人好過識字,而剛巧本人認識一位名叫夏敦樂的朋友是職工會註冊處的專員,而當時任何組織工會的人士,都需要經佢批準才可發牌,過程需要專員簽名和蓋印方可發牌,一般申請耗時非短,而夏先生則向 我表示,若我想組織工會,衹需聯同 26 名人士到辦事處與其 見面,表示救生員需要組織一個工會便可。當時我即時作出 行動,帶同手足到達牌照辦事處,辦妥文件後,得到一位姓方的主任和另一位姓黃的翻譯官協助,好短時間已完成登記 成立的程序了。 

2017interview103.jpg
(圖為工會早年送給蝦叔的紀念牌)

2: 你認為應該點樣去做工會事務,才可好好的帶領行業? 你認為工會嘅職責,工會的責任是怎樣?

有心有能者就應該去做,加入成為工會理事,理事們應該為會員及行業爭取應得嘅嘢,過程中合情合理去爭取,市民大眾,會員當然會支持;若然你們橫蠻無理,誰也不會接受,不會歡迎你!工會理事必須緊記不可做沒有作為的事。

 

2017interview104.jpg

 

3: 你點睇而家嘅工會和應有的立場,及現時社會的政治取態?

蝦叔 : 近幾年有人利用工會攪政治,咁你睇得到啦!因為我 地工會過往有唔錯成績,就利用呢個時間攪政治,一攪政治就破壞你工會嘅信譽 ! 例如 : 出嚟遊行示威果啲,就係有多少政治化,但工會一攪政治就麻煩,你走左走右都麻煩,工會最好就唔出聲,中立 ! 因為工會只係為工人爭取佢地應有嘅利益,你攪政治,係個 人利益,係唔同,兩回事,果D利用工會走嚟攪攪震嘅人, 撻你個工會出頭,因為而家工會有名函,巴閉左。

而且呢個社會好複雜,所以替工會做事最緊要有定力,應該爭,應該 做嘅就去做,唔應該做就唔好做,令到巿民討厭你嘅嘢就唔好攪,市民就係我地老細,老細討厭你係咪冇啖好食吖 ! 佢欣賞你又唔同 ! 工業行動呢個就要合情合理,唔好令到巿民討厭你,市民一 討厭你,就貶值架喇 ! 合情合理去爭,反而會支持你。 好似沙灘最熱最需要救生員照顧時,你就封灘唔準游水,係咪討厭呀 ! 就算你係遊客,你都討厭啦!你咩時間唔攪,你 呢個時間攪?你天冷攪得唔得呀?人地會駁架嘛,所以盡量避免,盡量爭取自己合情合理合法嘅嘢 ! [政治]既野工會最好就唔出聲,要中立。

我地工會係為工人爭取,其他政治,我地唔識,你識攪政治咩!?唔識架嘛,唔識嘅唔好去,咁樣自己咪安份守己囉!政治嘅嘢,好乞人憎架嘛,你走左走右都難,咩叫啱咩叫唔啱?我唔識,唔攪,最 穩陣,咁唔識好閒之嘛,唔係樣樣都要識架嘛。 如果有人利用工會玩政治,呢類人會自動消失,因為工會都唔受佢玩,因為你都唔係替工會做嘢,要話佢知叫佢唔好再陀累我地工會!

工會必須要中立,只為工人應得嘅嘢去爭取,唔應得嘅,唔要。最緊要符合(法,理,情),做人最緊要有個終旨。

 

2017interview105.jpg 

(圖為蝦叔的救生手冊及當時的手冊封面)

4: 工會的未來及展望……最近工會向立法會議員提出,要 求康樂及文化事務署為救生員成立訓練學校,目的是要培訓更優質的救生員,為救生員提供穩定充足的訓練,你又點睇呢? 

工會做法正確,要訓練和提升救生員專業,先要搜集全世界最先進的知識和救生技術,成立香港獨有的訓練學校,要做到全世界都承認的專業,為何香港政府唔承認我地的專業? 呢點我們是必須要爭取的。

工會要爭取到將來救生員專業化,工會爭取訓練學校是合情合理的事,當達至高水平,全球認受時,康文署則不得不承認我們的專業! 所以爭取的目標重要至極,出口要成文,令其難以辯駁,理事們要能言善辯,論據清晰有力,當官員反駁無言,我們則是最後贏家。


2017interview106.jpg

(當年的救生章証書)

 

2017interview107.jpg

#蝦叔格言:做水怕水,怕考試,做咩救生員呀?

唔好怕考章,我考到人地唔比我考都要繼續考。


《以上內容純屬被訪者個人意見》

製作:港九拯溺員工會 日期 2017-12-08



最近瀏覽...

在類別中尋找相似的產品


輸入您的產品評論

產品評論

這項未有任何評論